میں نے اپنے بیٹے کا نام محمد شاہان عمر رکھا ہے۔ کیا یہ نام صحیح ہے؟

انگوٹھی میں اکثر لوگ اپنے ستارے کے حساب سے پتھر رکھتے ہیں۔ کیا ایسا کرنا صحیح ہے، گو کہ دل میں یہ یقین ہو جو کرنا ہے اللہ تعالی نے ہی کرنا ہے مگر اس پتھر کا پہننا صرف ایک علاج یعنی سبب کے طور پر ہو؟

میں مدرسہ میں پڑھتی ہوں۔ مدرسہ کی معلمات میں آپس میں محبت نہیں اور ایک دوسرے سے بدگمان ہیں۔ ایک بولتی ہے دوسری اس کی بات کاٹ دیتی ہے، تنقید کرتی ہیں۔ میں بہت پریشان ہوں۔ اکثر گھروں میں بھی اختلاف دیکھنے کو آتے ہیں۔ رشتہ داروں غرض کہ ہمارے پورے ملک (پاکستان) میں انتشار پھیلا ہوا ہے․․․․․․حالات کیسے بدلیں گے اور تمام مسلمانوں میں ایک دوسرے کے لیے محبتیں کیسے پیدا ہوں گیں اور اختلافات کیسے ختم ہوں گے؟ قرآن و سنت کی روشنی میں رہنمائی کردیجئے۔

ایک بحث کے دوران ایک مسئلہ پیش آیا ہے جس کی صفائی کے لیے میں آپ کو لکھ رہا ہوں:? فتوی شرعی اصطلاح نہیں ہے، بلکہ یہ بدعت ہے کیوں کہ اللہ تعالی نے کسی بھی مسلمان کوشریعت کی حد بندی کرنے کی اجازت نہیں دی ہے، اورنہ ہی نبی کریم صلی اللہ علیہ وسلم نے مسلمانوں کو کسی عالم کی اقتداء کرنے کوکہا ہے۔ بلکہ تمام مسلمانوں کو بشمول عالم کے صرف اللہ اوررسول کی اقتداء کرنی چاہیے?۔ اگر اوپر مذکور دعوی درست ہے تو قرآن اورحدیث کے حوالہ واضح کریں۔

مغرب کاوقت کتنا ہوتاہے، کچھ لوگ کہتے ہیں کہ وقت شروع ہونے کے بعد یعنی اذان کے بعد چالیس منٹ تک نماز کا وقت رہتاہے۔ایک دن میں نے عشاء کی نماز فجر کا وقت شروع ہونے سے دو منٹ پہلے پڑھی۔ کیا نماز ہوگئی یا دوبارہ پڑھنی ہوگی؟

حضرت مجھے یہ بتائیں کہ حضرت امام ابو حنیفہ رحمة اللہ علیہ کے جو فقہ و مسائل ہیں وہ کب مرتب ہوئے؟لوگ کہتے ہیں کہ یہ جو حنفی مسائل ہیں وہ بعد کے لوگوں نے لکھا ہے، یہ امام صاحب نہیں لکھے ہیں۔ اگر امام صاحب کے بعد کوئی حدیث ضعیف ہوگی تو اسے ان کے مسائل میں کوئی فرق نہیں پڑے گا۔ یہ تو ٹھیک ہے، لیکن کیا یہ امام صاحب کے زمانہ میں مرتب ہوئی؟ کسی مسائل کی دلیل میں جب کوئی حدیث پیش کی جاتی ہے وہ تو بخاری یا مسلم یا پھر کوئی حدیث کی کتاب کا حوالہ دیا جاتا ہے۔ لیکن یہ تو بعد میں لکھی گئی۔ کیا پتہ امام صاحب اسی حدیث سے مسائل لئے ہیں یا نہیں؟ کیا امام صاحب کا قول ہی دلیل اور حجت ہے؟

کیا اسلامک بینکنگ میں رقم جمع کرنا صحیح ہے؟ کیا عبدالرزاق کی مسند میں نور سے متعلق جو روایت ہے وہ صحیح ہے جس کا مفہوم ہے کہ اے جابر سب سے پہلے اللہ نے تیرے نبی کے نور کو پیدا کیا، اس کی تشریح کردیں؟

میں نے ایک خواب دیکھا جس میں میں نے اپنے آپ کو روح کی شکل میں دیکھا، میرے ساتھ اور بھی دو یا تین روحیں تھیں۔ ہم سب روحوں کو ہمارے رشتہ دار دیکھ رہے تھے اور ہاتھ ملا رہے تھے۔ اس کی تعبیر بتادیں۔

کیا ہم لوگ اپنے بیوی بچوں کے ساتھ گھومنے پھرنے پارک اور تفریح کی جگہوں پر جاسکتے ہیں یا نہیں؟ کیوں کہ جیسا کہ آپ کومعلوم ہے کہ یہ ایک آزاد معاشرہ ہے اور ہر جگہ مردوں اورعورتوں کا الگ سے کوئی انتظام نہیں ہوتاہے۔ ایک اور بات یہ کہ جو ہو ٹل و غیرہ مسلمانوں کے ہیں اس میں جاکر کھانا وغیرہ کھا سکتے ہیں یا نہیں؟ کیوں کہ وہاں بھی ایسا کوئی انتظام نہیں ہوتا ہے اور اکثر ہوٹل میں اور تقریباً ہر جگہ میوزک چلتا رہتا ہے جیسا کہ شاپنگ سینٹر، کھانے پینے کے ریسٹوران وغیرہ۔ تفصیلاً جواب عنایت فرماویں۔ آپ سمجھ ہی سکتے ہیں کہ بس ہم گھر میں ہی رہ سکتے ہیں اور کہیں آنا جانا ایسی صورت میں ممکن نہیں نظر آتا جس کی وجہ سے بچے نفسیاتی دباؤ کا شکار رہتے ہیں کیوں کہ ہم مسلمانوں کی اکثریت بھی دین سے دور ہی ہے۔

کیا ہکلانے والا شخص نماز پڑھا سکتا ہے؟ اگر ہم کسی ہکلانے والے شخص کی اقتداء میں نمازپڑھیں تو کیا ہوگا؟

کیا آپ (صلی اللہ علیہ وسلم) کا سایہ نہیں تھا؟ نماز میں کیا کوئی بھی درود پڑھ سکتے ہیں؟

شیعہ رافضی کے نظریات قرآن حدیث اور صحابہ کرام رضوان اللہ تعالی علیہم اجمعین کے اقوال کی روشنی میں واضح کریں۔

میرے صرف دو لڑکے ہیں۔ میں نے تقریباً فجر کے وقت خواب دیکھا کہ میرا چھوٹا لڑکا مجھے مارنے کے لیے آتا ہے اور میرے بڑے لڑکے اور میرے شوہر کے سر چھوٹے بچے کے بدن پر ہیں ان تمام کے ہاتھ میں انجکشن ہیں۔ میں اپنے آپ سے کہہ رہی ہوں کہ وہ لوگ مجھ کو مارنے کے لیے آرہے ہیں اورمیں مدد کے لیے چلا رہی ہوں۔ اسی وقت میرا بھائی جوکہ ایک ڈاکٹرہے صرف مجھ کو دیکھ رہا ہے۔ اچانک میں محسوس کررہی ہوں کہ میں آزاد ہورہی ہوں۔ اس کے بعد میں اپنے بھائی سے بات کرتی ہوں کہ تم آگے کیوں نہیں آئے جب میں چلا رہی تھی؟ اس نے جواب دیا کہ تم مری نہیں اس کے بعد میری آنکھ کھل گئی۔

میں ایک خواب کی تعبیر پوچھنا چاہتاہوں۔ میرے نانا کی موت تقریباً تین سال پہلے ہوئی تھی اس کے بعد وہ مجھے کئی مرتبہ خواب میں بھی آئے کیوں کہ وہ مجھے بہت پیار کرتے تھے اب یہ تو میں نے بہت لوگوں سے سنا ہوا ہے کہ جب کوئی ایسا شخص خواب میں آئے جو مر چکا ہو تو اس کا مطلب ہوتا ہے کہ اس کے لیے دعائے مغفرت میں سستی ہورہی ہے اس لیے خواب میں آ رہا ہے۔ لیکن اب کی بار مجھے عجیب خواب آیا کہ میں نے خواب دیکھا کہ جہاں میرے نانا رہ رہے ہوتے ہیں تو کچھ لوگ اس جگہ کے بارے میں باتیں کررہے ہوتے ہیں کہ یہاں پر کوئی روح یا جن وغیرہ ہیں اور سب ڈر رہے ہوتے ہیں لیکن میں اندر جاتا ہوں تو دیکھتا ہوں کہ میرے نانا کا مردہ جسم پڑا ہوا ہے لیکن مجھے ایسا لگتا ہے کہ وہ سورہے ہیں اور جب میں ان کو ہاتھ لگاتا ہوں تو وہ واقعیجاگ پڑتے ہیں او راٹھ کر کہتے ہیں کہ کافی عرصہ بعد جاگے ہیں۔ خیر پھر مجھے محسوس ہوتا ہے کہ وہ دوبارہ سے جوانی میں چلے گئے ہیں۔ اور مجھے یہ بھی محسوس ہوتاہے کہ میرے نانا کی ساری اولاد یعنی میری والدہ، میری خالہ، میرے ماموں، سارے بچپن کی عمر میں چلے جاتے ہیں اور میں بھی وہیں پر موجود ہوتا ہوں۔ پھر میں وہاں سے باہر نکل آتا ہوں اور اچانک مجھے محسوس ہوتا ہے کہ یہ سب ایک سحر اور فریب کاری تھی، کیوں کہ سب کچھ اچانک ختم ہوجاتاہے۔